Abdukarimov Abdusattor

Abdukarimov Abdusattor (1942.4.4, Chinoz tumani) - biolog va genetik olim. O‘zbekiston FA akademigi (2000), biologiya fanlari doktori (1979), professor (1990). O‘zbekiston FA Biokimyo institutida katta ilmiy xodim (1972-1978), Molekulyar biologiya (1978 yildan) xavda Gen va hujayralar injeneriyasi biotexnologiyasi (1982 yildan) laboratoriyalari mudiri, O‘zbekiston FA Genetika va o‘simliklar eksperimental biologiya instituti direktori (1992 yildan). Abdukarimov tireoid gormonini bog‘lovchi oqsil molekulasi - reseptorni ajratib oldi, uning funksiyasi va fizik-kimyoviy xossalarini o‘rgandi. Qator genlar ajratib olish, vektor molekulalar konstruksiyasini yaratish, yakka hujayradan sun’iy sharoitda o‘simlik yetishtirish bilan bog‘liq ilmiy ishlar dasturiga rahbarlik qildi.