Abdullaxoʻjayeva Malika Samadovna

Abdullaxoʻjayeva Malika Samadovna (1932.28.11, Moskva) — patolog-anatom, Oʻzbekistonda xizmat koʻrsatgan fan arbobi (1980). Oʻzbekiston Fanlar Akademiyasi akademigi (2000). Tibbiyot fanlari doktori (1968), professor (1970). Oʻzbekiston qahramoni ordeni bilan taqdirlangan. ToshTIni bitirgan (1956). ToshTI Markaziy ilmiy tekshirish laboratoriyasi mudiri (1960 - 1962), O‘zbekiston rentgenologiya, radiologiya va onkologiya ilmiy tekshirish instituti patomorfologiya va gistoximiya laboratoriya mudiri (1963-1969), ToshTI (1969 - 1990), 1990 yildan 2-ToshTI patologik anatomiya kafedrasi mudiri. Abdullaxoʻjayevaning ilmiy ishlari, asosan nerv sistemasining immunopatologiyasi, geografik patologiya va tibbiyot tarixi masalalariga bag‘ishlangan, O‘zbekistonda tibbiyot sohasidagi yangi yo‘nalish — transplantatsiyey immunopatologiya asoschisi. O‘zbek va rus tillarida chop etilgan birinchi patologik anatomiya darsligining (1997) muallifi. Kaliforniya shtatining faxriy fuqarosi (1986 yildan).