G‘ijduvon tumanidagi Soktare qishlog‘ida tug‘ilgan. Ziyoli oilada tarbiyalangan Nodira o‘rta maktabda a’lo baholarda o‘qida va uni "oltin medal" bilan tugatadi. 1982-yil, 1983-yil, 1984- yillarda jumhuriyat "Navqiron adabiyotchilar" olimpiyadasining g‘olibi bo‘lgan yosh adabiyot ixlosmandi tahsilni Buxoro davlat pedagogika institutiniyag o‘zbek filologiyasi va chet tillar fakultetida davom ettirdi.Uning she’rlari jumhuriyat vaqtli nashrlari, "She’riyat-86" "Yoshlar ovozi" singari jamoa to‘plamlarida chop etilgan. Nodira ikki doston muallifi:"Fitratning tushlari" nomli ramziy dostoni ulug‘ mutafakkir adib Abdurauf Fitratning 110 yillik yubileyiga bag‘ishlangan. "Jazo" dramatik dostoni esa Odam Ato qissasi asosida yaratilgan bo‘lib, "Tazarru" nomi bilan "Qalb ko‘zi" sahifalari orqali o‘quvchilar qo‘liga borib yetdi. Shoiraning "Bahorning boshlanishi" nomli she’riy majmuasi chop etilish arafasida.Afaqova Nodira ilmda ham badiiy ijod sirlari bilan qiziqdi. Professor Toji Qoraev rahbarliklarida "Abdulla Oripov lirikasida badiiy san’atlar" mavzuidagi nomzodlik dissertatsiyasini muvaffaqiyatli yakunladi. Afaqova Nodiraning "She’r, hadis, hikmat", "Abdulla Oripov lirikasida badiiy san’atlar","Shaxs va ijod" I. G‘aniev bilan hammualliflikda singari kitoblari ana shunday izlanishlarning natijasidir.
