Barcha sohadagi taraqqiyotlarimizda olimlarning o‘rni beqiyos . Ular yaratuvchanligi va ilm sohasiga yangiliklar olib kirayotganlari bilan ayniqsa ko‘prok qadrlanadi. Jamiyatimiz ham olimlarga suyanadi, ulardan har daqiqa yangiliklar kutaveradi. Mustaqil davlat qurilishida ishtirok etayotgan yoshlarimizga ham tajribali olimlarning yaratuvchanlik ishlari va hayot yo‘li katta ibratdir. Shu jihatdan qaraganda olimlarning har bittasi ilm sohasida o‘z maktabini yaratib qoldirmoqda. Biologiya fanlari doktori , professor Alevtina Kojevnikova ham xuddi shunday jonkuyar olimlardan biri.
Alevtina Grigorevna ziyoli oilada tarbiyalandi. Otasi Grigoriy Dubovskiy Andijon davlat universiteti professori edi. Onasi Nadejda Dubovskaya ko‘p yillar maktabda o‘qituvchilik qilgan. Har ikkisi insoniyligi va ilmni qadrlashi bilan boshqalar orasida ajralib turardi. Alevtina ota-onasining hayotidan o‘rnak oldi, xuddi ular singari ilm yo‘lidan ketdi. Bu yo‘ldagi mashaqqatlarni iroda va sabr bilan yengib o‘tdi. Fanga yangilik olib kirish yo‘lida izlandi, o‘z ustida tinim bilmay ishladi. Atrofidagi yaxshi insonlarning ko‘magiga tayanadi, ularning mehridan quvvat oldi. Nihoyat, yillar o‘tib mehnati evaziga olimlik shohsupasiga ko‘tarildi.
Biologiya fanlari doktori , professor Alevtina Kojevnikova 1949 yilda Samarqand viloyatida tug‘ilgan. Maktabni tamomlagach 1966-1971 yillarda Samarqand davlat universitetida tahsil oldi. Shundan so‘ng ish faoliyatini Andijon shahrida boshladi. 1971-1972 yillar ichida Andijon davlat pedagogika instituti “Fiziologiya” kafedrasida o‘qituvchilik qildi. 1972-75 yillarda “O‘simliklarni himoya qilish “ ilmiy tadqiqot instituti aspiranti bo‘ldi. 1975 - 1982 Andijon davlat tibbiyot instituti “Nistologiya va embriologiya” kafedrasi assistenti, 1982-1986 yillar esa Andijon paxtachilik instituti “O‘simliklarni himoya qilish “ kafedrasida katta o‘qituvchi sifatida faoliyat ko‘rsatdi.
Keyinchalik Alevtina Grigorevna bir qator masul lavozimlarda ishlab keldi. Jumladan ,1986-1989 yillarda Andijon paxtachilik instituti “Sirtqi ta’lim “ fakulteti dekani, 1989-1990 yillarda Andijon qishloq xo‘jalik instituti “Agronomiya” fakulteti dekanining muovini , 1990-2002 yillarda Andijon qishloq xo‘jalik instituti “O‘simliklarni himoya qilish “ kafedrasi dotsenti va professori , 2002-2004 yillarda shu institut sirtqi bo‘lim dekani va “O‘simliklarni himoya qilish “ kafedrasi mudiri lavozimida ishlab keldi.
Hozirgi vaqtda professor Alevtina Kojevnikova Andijon qishloq xo‘jalik instituti “ Agroximiya, tuproqshunoslik va o‘simliklarni himoya qilish” kafedrasining mudiri . U salkam qirq yildirki ilm yo‘lida izlandi, bu vaqt orlig‘ida ko‘plab ilmiy-uslubiy qo‘llanmalar va monografiyalar yaratdi. Fan nomzodlari va fan doktorlariga ustozlik qildi. Malakali kadrlar tayyorlashga ko‘maklashdi. Ilm yo‘lidagi samarali xizmatlari evaziga mustaqillikning 15 yilligi esdalik nishonini oldi.
Bir so‘z bilan aytganda olima ajoyib tashkilotchi , fan jonkuyari , fidoyi ustoz , xurmat-izzatga loyiq bo‘lgan chinakam ziyoli ayol. Bugungi kunda olima umr yo‘ldoshi bilan farzandlaru nabiralarining muvaffaqiyatlaridan mamnun bo‘lib yashayapti. Nabiralar kulgusi va biyron so‘zlari esa bu xonadonga baxtu quvonch bag‘ishlab turadi.
-Men baxtli hayot kechirayotgan ayollarning biriman, umrim boricha ilm taraqqiyoti yo‘lida o‘z xizmatini bezaydi, umrimizni go‘zallashtiradi,-deydi Alevtina Kojevnikova.
Chindan ham shunday.
Igna bilan quduq qazimoq og‘ir,
Ilmning qudrati zo‘r, amoli ezgu.
Zaxmatlar cheksa-da baxtni yaratar,
Olimlar xizmati mange qoladi!
