Altunin Stepan Titovich

    Altunin Stepan Titovich (20.07.1904, Rossiya, Samara viloyati Klyavlin tumani – 14.12.1959, Toshkent) – injener-gidrotexnik, O‘zbekiston fanlar akademiyasi muxbir a’zosi (1956), texnika fanlari direktori (1948), professor (1949), O‘zbekistonda xizmat ko‘rsatgan irrigator (1949). Moskva suv xo‘jaligi injenerlari institutini tugatgan (1931). O‘rta Osiyo irrigatsiya institutida katta ilmiy xodim va daryolar oqimini tartibga solish guruhi rahbari (1934-1942). O‘zbekiston Suv xo‘jaligi vazirligida katta injener va tadqiqotlari guruhi rahbari (1944-1946). O‘zbekiston fanlar akademiyasi Inshootlar va qurilish materiallari institutining gidrotexnika sektori rahbari (1946-1956). 1956 yildan O‘zbekiston fanlar akademiyasi Suv muammolari va gidrotexnika institutida laboratoriya rahbari. Manbalardan suv olish bo‘yicha yangi konstruksiyalar yaratdi va uni joriy qildi.