Fizika - matematika fanlari nomzodi, dotsent
1961 yil 10 dekabrda Marg‘ilon shahrida tavallud topgan. 1978 yili Marg‘ilon shahridagi 21 - o‘rta maktabni tamomlagan. Shu yili Farg‘ona davlat pedagogika institutida matematika - fizika mutaxassisligi bo‘yicha o‘qishga kirgan. 1981 yildan o‘qishni ToshDU matematika fakutetida davom ettirib, uni 1984 yili tamomladi.
1987 - 1990 yillari O‘zFA Matematika instituti aspiranturasida talim oldi. Akademik Sh.A. Ayupov ilmiy rahbarligida “Yordan banax algebralarida shartli kutilmalar” mavzusida izlanishlar olib borib, 1994 yili nomzodlik dissertatsiyasini himoya qildi.
1991 yildan faoliyatini Farg‘ona davlat universitetining oliy matematika kafedrasida o‘qituvchi lavozimida boshladi. So‘ngra algebra va matematik analiz kafedrasida o‘qituvchi, katta o‘qituvchi lavozimlarida , umumiy matematika kafedrasi dotsenti lavozimlarida ishlab kelmoqda.
Shu yillar davomida E.Yu. Azizov operatorlar algebrasi nazariyasi yo‘nalishi bo‘yicha ilmiy izlanishlar olib borib, O‘zbekiston Fanlar akademiyasi fundamental tadqiqotlarni qo‘llab - quvvatlash fondi granti asosida “Tasodifiy masofalarning taqsimot qonuni” mavzusida ilmiy tadqiqot ishlarida qatnashdi. Bularning natijasida 22 ta ilmiy maqola chop ettirdi. Pedagogik faoliyati davomida 2 ta o‘quv - uslubiy qo‘llanma yaratdi. Jumladan, “Diskret matematika va matematik mantiqdan amaliy mashg‘ulotlar” o‘quv qo‘llanmasining hammualifidir.
