Ota - ona hayotidagi eng ezgu tilaklarini, yetisha olmagan orzularini farzandlarida ko‘rgisi keladi. Abduvodit aka va Oftobxon aya xonadonida birin - ketin olti farzand dunyoga keldi. O‘zi o‘qiy olmagani armon bo‘lgan ota farzandlarini ilmli, marifatli bo‘lishlarini istadi, hayotda o‘z sevgan kasblarining egasi bo‘lishlariga ko‘maklashdi. Bolalikdan ilmga chanqoq va intiluvchan yosh Nurxon maktabda alochi va faolligi bilan tengdoshlaridan ajralib turardi. U Toshkent iqtisodiyot institutini muvaffaqiyatli tugatdi, aspiranturaga kirib o‘qidi. Iqtisod fanlari nomzodi o‘ldi. Ko‘p yillar Avtomobil yo‘llari institutida o‘qituvchi, katta o‘qituvchi sifatida faoliyat ko‘rsatib, o‘z ilmini yoshlarga berib keldi. 1990 yildan 2005 yilgacha Toshkent iqtisodiyot institutida “Xalqaro moliya” kafedrasi dotsenti bo‘lib ishladi.
Nurxon Bahodirova o‘z ish faoliyati davomida, talabalarga bilim berish, ularning manaviyatini yanada yuksaltirish, yaxshi mutaxassis bo‘lib yetishishlari uchun bor bilim va tajribasini ayamadi. O‘z halol mehnati, bilimi va shirin muomalasi, sahiyligi ortidan obo‘ - etibor topdi.
Albatta , ayolning jamiyatdagi yutuqlari, o‘rni uning oilasiga ham bevosita bog‘liq. 10 farzandning to‘ng‘ichiga kelin bo‘lgan Nurxon Bahodirova uning masuliyatini ham yaxshi bilardi. U oila yumushlari, farzand tarbiyasi, qaynona-qaynotaning ko‘nglini olish bilan birga , ilmiy ishlarini ham davom ettirdi, fan nomzodi bo‘lganda esa uch farzandli edi. U yaqinlarining ko‘magidan tashqari, o‘z tirishqoqligim bilan shu yutuqlarga erishdim, deb hisoblaydi.
Nurxon Bahodirova xarakteri ohir - vazmin, haqiqatgo‘y, yaxshiliklarga hamisha chanqoq . Sayohatlarni, dunyo ko‘rishni, yangiliklarni o‘qib - o‘rganishni yaxshi ko‘radi. To‘qqiz nabirasini hayotining quvonchi, ovunchoqlari, kelajagi deb biladi. Bahor faslini, atirgullarni va ochiq ranglarni yaxshi ko‘radi.
