Borisov Oleg Matveyevich

    Borisov Oleg Matveyevich (1929, Mordva Respublikasi-31.10.1988, Toshkent) - geolog olim. Oʻzbekiston FA muxbir aʼzosi (1984), geolog mineralogiya fanlari doktori (1970). Oʻrta Osiyo davlat universiteti geologiya fakultetini bitirgan (1953). Oʻzbekiston FA geologiya va geofizika institutida katta ilmiy xodim (1956-1970), laboratoriya mudiri (1970-1986), Oʻzbekiston FA seysmologiya instituti direktori (1986-1988). Asosiy ilmiy ishlari regional geologiya va magmatizmga bagʻishlangan. Oʻzbekistonning tektonik xaritasi va Oʻrta Osiyoning paleozoy davri jinslarigacha boʻlgan pastki qatlami tuzilishining dastlabki sxemasini tuzishda qatnashgan.