Akbarjon Burxonov 1934 - yil 18 - aprelda Namangan shahrida tug‘ilgan.
1948 - yilda Namangandagi 11 - maktabning 7 - sinfini tugatgan, shu yili Namangan pedagogika bilim yurtiga o‘qishga kirgan va 1952 yilda tamomlab, o‘z ish faoliyatini Uchqo‘rg‘on tumanidagi 16 - o‘rta maktabda o‘qituvchilikdan boshlagan.
1952 - yilda Nizomiy nomidagiToshkent davlat pedagogika institutida (hozirgi NamDU) ishlay boshladi.
1957 — 1997 yillar davomida mazkur oliy ta’lim muassasasida laborant, o‘qituvchi, katta o‘qituvchi, dotsent, kafedra mudiri lavozimlarida faoliyat ko‘rsatdi.
1979 - yilda “O‘zbekiston tarixi materiallarini o‘rganish jarayonida o‘quvchilarni harbiy vatanparvarlik ruhida tarbiyalash” mavzusida nomzodlik dissertatsiyasini himoya qildi va pedagogika fanlari nomzodi ilmiy darajasiga erishdi.
1989 - yilda pedagogika va psixologiya bo‘yicha dotsent ilmiy unvonini oldi.
1997 - yildan hozirga qadar Namangan muhandislik - pedagogika institutining pedagogika va pedagogik texnologiyalar kafedrasida dotsent lavozimida ishlab kelmoqda.
A. Burxonov o‘z faoliyatida 40 dan ortiq ilmiy, o‘quv - uslubiy maqolalarni chop ettirgan.
1996 – yilda professor A. Munavvarov tahriri ostida chiqarilgan “Pedagogika” darsligiga hammualliflik qildi.
2003 yilda katta o‘qituvchi R. Mamanazarov bilan ham mualliflikda “O‘qituvchi salohiyati — barkamollik negizi” nomli o‘quv qo‘llanmasini chop ettirdi. Shuningdek, u “Psixologiya” (I, II qism), “Kasb ta’limi psixologiyasi”, “Mutaxassislik psixologiyasi”, “Pedagogik va ijtimoiy psixologiya”, “Psixologiya”, “Psixologiya masalalari” kabi ma’ruza matnlarini tayyorlab, o‘quv jarayoniga tadbiq etgan.
A. Burxonov o‘z faoliyati davomida mintaqa, respublika va xorijiy davlatlarda ilmiy - amaliy anjumanlarda faol ishtirok etgan.
