Buzin Yevgeniy Ivanovich

    Buzin Yevgeniy Ivanovich (24.02.1916, Orenburg viloyati, Rossiya - 1969, Toshkent) - mexanika sohasidagi olim, Oʻzbekiston FA muxbir aʼzosi (1962), texnika fanlari doktori (1957). Oʻrta Osiyo davlat unversitetini bitirgan (1939). Oʻrta Osiyo industrial institutida (1939-1940), Oʻzbekiston FA Matematika va mexanika institutida (1950-1955), Toshkent temir yoʻl muhandislari institutida, Oʻzbekiston FA Mexanika va inshootlarning seysmik mustahkamligi institutida (1959-1969) ishlagan. Oʻzbekiston FA Prezidiumi texnika va geologiya kimyo fanlari boʻlimida ilmiy kotib (1948-1950). Ilmiy ishlari deformatsiyalanuvchan qattiq jismlar, suyuqlik va gaz mexanikasi nazariyalariga doir.