Cherdansev Gleb Nikanorovich

    Cherdansev Gleb Nikanorovich (04.08.1885, Omsk – 05.12.1958, Moskva) - iqtisodchi va geograf olim, Oʻzbekiston FA akademigi (1956), iqtisod fanlari doktori (1936). Oʻzbekistonda xizmat koʻrsatgan fan va texnika arbobi (1955). Peterburg Politexnika institutini tugatgan (1909). Odessada (1910-1915), Turkiston oʻlkasining turli boshqarmalarida (1915-1917) ishlagan. Turkiston xalq universitetining rektori (1918). Turkiston ASSR Davlat plan qoʻmitasi raisi oʻrinbosari (1922-1923), XXSR Davlat plan qoʻmitasi raisi (1923). Moskva Geodeziya, aerofotosyomka va xaritagrafiya muhandislari instituti professori (1924-1958). Asosiy ilmiy faoliyati Oʻrta Osiyo energetikasi, qishloq xoʻjaligi va irrigatsiya, moliyasavdo ishlari, mehnat va transport vositalari, iqtisodiy rayonlashtirish masalalarini oʻrganishga qaratilgan. Toshkentdagi koʻchalardan biri Cherdansev nomi bilan atalgan.