Chernov Pyotr Petrovich

Kimyo fanlari nomzodi, dotsent

    1918 yilda   Farg‘ona shahrida tug‘ilgan.  Dastlab  Farg‘ona   pedagogika  institutiga  o‘qishga kirgan. So‘ng o‘qishni  Samarqandda davom ettirib, kimyo fani  yo‘nalishini  tugatgan. Ikkinchi jahon  urushida qatnashgan.
  1970 yilda “Kimyo o‘qtish metodikasi” fani bo‘yicha  “Kimyoning  asosiy qonunlarini  o‘qitishda  yasama  priborlardan   foydalanish” mavzusida  nomzodlik   dissertatsiyasini  muvaffaqiyatli himoya qilgan. 1975 yilda dotsent unvonini olgan. 
  1982 yilgacha  Farg‘ona  davlat pedagogika  institutida  kimyo kafedrasida  “Umumiy kimyo”, “Kimyo  texnologiyasi”  fanlaridan bilim berdi. U Farg‘ona   davlat pedagogika instituti rivoji uchun katta hissa qo‘shgan olim edi.  Uning  10 dan ortiq  maqola va 8 ta  uslubiy  qo‘llanmalari chop etilgan.