Biologiya fanlari doktori, professor
1934 yil 29 dekabrda Toshkent viloyatining Qibray tumanida tavallud topgan. 1955 yilda Sankt - Peterburg universitetiga o‘qishga kirgan, 1960 yili biologiya va tuproqshunoslik fakultetini muvaffaqiyatli tamomlab, mazkur o‘quv yurtining aspiranturasida o‘qishni davom ettirgan.
1964 yilda “G‘o‘zaning bazi turlari , urug‘lari va maysaning tuzilishi” mavzuidagi nomzodlik , 1980 yilda esa “Gulxayridoshlar va baobabdoshlar oilalaridagi g‘o‘za va unga qarindosh bo‘lgan turkumlar sistematikasi va evolyutsiyasi” mavzusidagi doktorlik dissertatsiyalarini muvaffaqiyatli yoqlagan, shu bilan birga, 1990 yilda erishgan yutuqlari uchun professor unvoni bilan taqdirlangan.
1963 - 1985 yillarda O‘zR FA O‘simliklar eksperimental biologiyasi ilmiy - tekshirish institutida katta ilmiy xodim, so‘ng o‘simliklar anatomiyasi va morfologiyasi laboratoriyasi mudiri lavozimlarida faoliyat olib borgan.
A.S. Dariyev uzoq yillar davomida olib borgan anatomik va marfologik tadqiqotlariga asoslanib, avval chegarasi aniq bo‘lmagan gulxayridoshlar va baobabdoshlar oilalarini aniqlab bergan. G‘o‘za navlarining viltga chidamlilik darajasini aniqlashning ekspress uslubini ishlab chiqqan. U ilmiy - tadqiqot faoliyati davomida 9 nafar tadqiqotchining nomzodlik dissertatsiyasiga ilmiy rahbarlik qilgan. 1990 - 2008 yillar davomida FarDU botanika va biologiya o‘qitish uslubiyoti kafedrasi professori lavozimida ishladi.
U 80 dan ortiq ilmiy maqolalar , uslubiy qo‘llanmalar muallifi , “Xlopchatnik”, “Atlas-spravochnik xlopchatnika” singari asarlar muallifi va hammualifidir .
2008 yildan umrining oxiriga qadar Andijon davlat universiteti botanika kafedrasida faoliyat olib borgan.
