Dolimov Toʻrabek No‘monovich

    Dolimov Toʻrabek No‘monovich (18.08.1936, Toshkent) - geolog olim. Oʻzbekiston FA akademigi (1995). Geologiya-mineralogiya fanlari doktori (1981), professor (1985). Dolimov ToshDUni tugatgan (1960). Oʻzbekiston FA Geologiya va geofizika institutida aspirant (1962), ilmiy xodim (1965 - 1983). 1973-1974 yillarda Oʻzbekistan Geologiya vazirligi qoshidagi Oʻrta Osiyo geologiya va mineral xom ashyo institutida shoʻba mudiri. 1983 yildan ToshDU geologiya fakultetida kafedra mudiri, dekan (1985-1987). ToshDU ilmiy ishlar boʻyicha prorektori (1987-1995), 1995 yildan hozirgi OʻzMU rektori. Ilmiy ishlari burmalangan oʻlkalardagi vulkan jinslarining petrologiyasi va Tyanshanning geodinamikasiga bagʻishlangan.

    Oʻzbekiston “Xalq birligi” harakati raisi (1995 yildan), Oʻzbekiston Respublikasi Oliy Majlisi deputati (1995 yildan). “Oʻzbekiston milliy ensiklopediyasi” Bosh tahrir hayʼati aʼzosi (1997 yildan), “Mehnat shuhrati” ordeni bilan mukofotlangan (1998).