Filologiya fanlari nomzodi, dotsent
1913 yil 9 mayda Toshkent viloyatining Ohangaron tumanida tug‘ilgan. 1923 - 1929 yillarda turli tipdagi maktablarda tahsil olgan. 1929 yilda O‘rta Osiyo davlat universiteti qoshidagi tayyorlov kurslarida o‘qigan. 1930 yilda shu universitetning pedagogika fakulteti adabiyot va mlingvistika bo‘limiga o‘qishga kirib, 1932 - 1933 yillarda Xo‘jand ppedakademiyasida o‘qishni davom ettirgan. 1933 - 1936 yillarda Qo‘rg‘ontepa shahridagi ped bilim yurtida o‘zbek tili va adabiyoti o‘qituvchisi bo‘lib ishlagan. 1936 - 1941 yillarda O‘sh shahri maktablarida ta’lim sohasida mehnat qilgan. 1942 - 1945 yillarda II Jahon urushida ishtirok etgan. Urushdan so‘ng 1945 - 1948 yillarda O‘shdagi pedbilim yurtida o‘qituvchi, direktor o‘rinbosari vazifasida faoliyat ko‘rsatgan. 1946 - 1950 yillarda O‘sh o‘qituvchilar tayyorlash institutida sirtqi bo‘lim boshlig‘i bo‘lib ishlagan.1950 yillarda O‘sh o‘qituvchilar tayyorlash institutida sirtqi bo‘lim boshlig‘i bo‘lib ishlagan.
I. Farmonov 1950 yildan umrining oxirigacha Farg‘ona davlat pedagogika instituti o‘zbek tilshunosligi kafedrasida o‘qituvchi, katta o‘qituvchi, dotsent, kafedra mudiri vazifalarida mehnat qilgan.
O‘zbek dialektologiyasi fani rivojlanishida, FDPI o‘zbek tilshunosligi kafedrasi ravnaqida I. Farmonovning xizmatlari katta. U O‘sh shevasi yuzasidan jamlangan materiallar asosida 1960 yilda “O‘zbek tilining O‘sh shevasi” mavzusida nomzodlik dissertatsiyasini himoya qildi.
I. Farmonovning Tag‘ap shevasi bo‘yicha kuzatishlari ham yirik dialektolog olimlar diqqatini jalb qildi va O‘zbekiston Fanlar akademiyasi Til va adabiyot instituti tomonidan nashr qilishga mo‘ljallangan “O‘zbek dialektologiyasidan materiallar” to‘plamining 1 - jildiga tavsiya qilindi.
Ustoz I. Farmonovning dialektologiya sohasidagi faoliyati nafaqat Farg‘ona, balki respublikamiz miqyosida munosib o‘rin tutadi.
