Farmonov Shokir Qosimovich

Farmonov Shokir Qosimovich (1941.20.2, Dangʻara tumani) - matematik olim, Oʻzbekiston FA akademigi (2000). Fizika-matematika fanlari doktori (1973), professor (1977). ToshDU ning mexanika-matematika fakultetini tugatgan (1963). Oʻzbekiston FA Matematika institutida kichik, katta ilmiy xodim, soʻngra ehtimollar nazariyasi boʻlimi mudiri, bosh ilmiy xodim (1965-1988, 1996-2003). OʻzMU ehtimollar nazariyasi va matematik statistika kafedrasi mudiri (1988-1996, 2004 yildan professor). Nizomiy nomidagi Toshkent Pedagogika universiteti matematika oʻqitish metodikasi kafedrasi mudiri (2003-2004). Ilmiy ishlari Markov zanjiri boʻyicha bogʻlangan tasodifiy miqdorlar va vektorlar uchun limit teoremalariga oid. Ehtimollar nazariyasining limit teoremalari boʻyicha turkum ishlarni bajargan. Beruniy nomidagi Oʻzbekiston Davlat mukofoti laureati (1973).