Jamiyatimizda shunday ayollar borki, ularning serqirra fazilatlari va qilayotgan ishlaridan qancha faxrlansak arziydi. Ana shunday ayollardan biri mashaqqatli kasb egasi Fayzullaeva dilfuza Bahodirovnadir. Dilfuza Bahodirovna tibbiyot fanlari nomzodi , gepatolog , spidolog, poytaxtning Yunusobod tumanida joylashgan Sog‘liqni saqlash vazirligiga qarashli Virusologiya ilmiy–tekshirish instituti klinikasining bosh shifokoridir.
Dilfuza bolaligidanok chaqmokdek shiddatli va o‘tkir zehnli qiz bo‘lgan. Shu bois maktabida xam, Toshkent Davlat pediatriya oliy o‘kuv yurtida ham faol bo‘lib, o‘zi tengilariga boshchilik kilgan. U bajaraman degan ishni bajaradigan, atrofidagilardan xam shuni talab kiladigan malakali shifokor bo‘lib yetishdi. 1989 yildan boshlab mehnat faoliyatini boshladi. Bu davr yurtimiz sho‘rolar tuzumining so‘nggi zanjirlarini uzib, mustaqillik sari odimlayotgan bir davr edi. Ana shunday bir vaqtda Dilfuzaning ustozi akademik olim Musaboev Isa Qurbonovich qimmatli maslahat berdi: «Vatanni olimlar dunyoga tanitadi». Dono qiz hokisor, shuning qatorida entsiklopedik ilm egasi bo‘lgan ustozining o‘gitlarini qulog‘iga oldi. Har kuni yangidan-yangi adabiyotlar izlar, chanqoqlik bilan ularni mutolaa qilardi. 2002 yilda u o‘zining nomzodlik dissertatsiyansini muvaffaqiyatli him oya qildi.
Dilfuza Bahodirovna o‘z ustida qat’iyat va sabr-toqat bilan ishlaydi. U doimiy izlanishda bo‘lib, tibbiyotning muhim va dolzarb masalalarini mustaqil tadkiq qilayotgan vrach-olima sifatida ajralib turadi. Uning beorom qalbi hech tinib-tinchimaydi. Sababi qo‘l ostidagi bemorlari jiddiy kasallik bilan og‘rishgan. OITS, V, S gepatitlari va shunga o‘hshagan yuqumli kasalliklarga chalingan bemorlarga sidqidildan yordam berib kelmoqda. Ularning hastaliklarini davolashda, ko‘ngillariga orom berishda o‘zining bor bilim va mehnatini ayamay hizmat qilib kelmoqda. Dilfuza Bahodirovna mahalla-ko‘y, yaqin oradagi bog‘cha, maktab, tashkilotlar va umuman, aholi orasida muntazam ma’ruzalar qilib yoki xodimlarini targ‘ibotchi sifatida yuborib yuqumli kasalliklar bo‘yicha ma’ruzalar uyutirishdan charchamaydi. «Har bir insonning salomatligidan jamiyatimiz salomatligi shakllanadi» - bu uning doimiy shiori. Bundan tashqari «Yuqumli kasalliklarga chalinmaslik uchun har birimiz bu kasalliklar bo‘yicha albatta o‘z bilimimizni oshirishimiz shart», deb ta’kidlash uning kundalik so‘zlariga aylangan.
— Biz ertangi sog‘lom avlodni turli kasalliklardan saqlab qolish uchun ham bugun harakat qilishimiz kerak, — deydi Dilfuza Bahodirovna.
