Biologiya fanlari nomzodi, dotsent
1943 yil 3 yanvarda Andijon viloyatining Shahrixon shahrida tug‘ilgan. 1962 yilda o‘rta maktabni tamomlab, Farg‘ona davlat pedagogika institutining biologiya va qishloq xo‘jaligi asoslari bo‘limiga o‘qishga kirgan. 1964 - 1967 yillarda armiya xizmatida bo‘ldi.
1969 - 1971 yillarda Shahrixon shahar 3 - maktab o‘qituvchisi sifatida pedagogik faoliyat olib bordi. 1972 yildan O‘zbekiston Respublikasi Fanlar akademiyasi Mikrobiologiya institutida ilmiy xodim, 1974 - 1979 yillarda Sankt – Peterburg universiteti genetika va selektsiya kafedrasida shogird - izlanuvchi, aspirant sifatidailmiy izlanishlar olib bordi. 1979 yilda “Gerbitsid biuronning bir hujayrali yashil suv o‘ti – xlomidamonadaga genetik ta’siri” mavzusida nomzodlik dissertatsiyasini himoya qilgan.
1980 - 1988 yillar davomida Toshkent qishloq xo‘jalik instituti Farg‘ona filiali assistenti, dotsenti lavozimlarida ishladi. 1988 - 2009 yillarda Farg‘ona davlat universiteti botanika kafedrasi dotsenti lavozimlarida ishladi. 1988 - 2009 yillarda Farg‘ona davlat universiteti botanika kafedrasi dotsenti, 2009 yildan 2015 yilga qadar zoologiya kafedrasi dotsenti sifatidailmiy - pedagogik faoliyat olib bordi.
Ya.I.Hakimov 70 ga yaqin ilmiy va uslubiy ishlar muallifidir . Utalabalarga genetika fanidan sabq berish bilan birga, yosh o‘qituvchi va tadqiqotchilarni pedagogik va ilmiy - uslubiy tavsiyalari bilan muntazam qo‘llab - quvvatlab keladi.
