Texnika fanlari nomzodi, dotsent
1933 yilda Rishton qishlog‘ida ziyolilar oilasida tug‘ilgan 1952 yili 2 - o‘rta maktabni tugatib, 1952 - 1957 yillarda Toshkent to‘qimachilik va yengil sanoat institutida tahsil olgan. Unga mazkur institutning lub tolalarini dastlabki ishlash ixtisosi bo‘yicha injenertexnolog kvalifikatsiyasi berilgan.
Mehnat faoliyatini 1957 yilda unga berilgan yo‘llanma asosida qo‘shni Tojikiston Respublikasidagi paxta tozalash zavodida injenerlik lavozimida boshlagan. 1959 yilda Tojikiston davlat texnika universitetiga assistent lavozimiga ishga qabul qilingan. 1966 - 1970 yillarda Moskva injenerlik - qurilish instituti professori M. F. Bromley rahbarligida ilmiy - tadqiqot ishlarini olib borgan va nomzodlik dissertatsiyasini himoya qilgan. Unga 1970 yil 23 iyulda texnika fanlari nomzodi ilmiy darajasi, 1973 yil 2 noyabrda OAK tomonidan dotsent ilmiy unvoni berilgan.
Uzoq yillar (1971 - 1992) davomida Tojikiston davlat texnika universitetida kafedra mudiri, fakultetdekani lavozimlarida ilmiy - pedagogik faoliyatini davom ettirgan. Bir necha bor xalqaro simpozium va konferentsiyalarda ishtirok etib, 100 dan ortiq ilmiy maqolalar chop ettirgan. Uning ilmiy ishlari mavzusi asosan akustika, pnevmatika, paxta tozalash zavodlarida havo tozalash uskunalari va ekologiyaning dolzarb muammolariga bag‘ishlangan.
1992 yilda Tojikistondan ona yurti Rishtonga qaytadi. Hozirda nafaqada.
2015 yilda uning “Otamni yod etib” nomli kitobi “Namangan” nashriyotida chop etilgan.
