Hikmatov Hakimjon

Kimyo fanlari nomzodi, dotsent

    1936 yil 12 mayda Farg‘ona viloyati Rishton  tumanida tug‘ilgan. 1956 yili Rishton  tumanidagi o‘rta maktabda  yoshlar yetakchisi  bo‘lib faoliyat  ko‘rsatgan. 1959 yili Ulug‘bek nomidagi Farg‘ona  davlat pedagogika instituti kimyo -biologiya fakultetiga o‘qishga kirdi va uni 1963 yilda tamomlagandan so‘ng , Sirdaryo viloyatidagi 39 - maktabga  yo‘llanma bilan ishga jo‘natildi.
    H. Hikmatov 1965 yildan Farg‘ona davlat pedagogika instituti kimyo kafedrasiga o‘qituvchi lavozimiga  ishga taklif etildi, 1969 - 1972  yillari  Toshkent davlat universiteti  analitik  kimyo  kafedrasining  kunduzgi  aspirantura  bo‘limida  tahsil olgan. 1974 yildan Farg‘ona  davlat pedagogika  instituti  kimyo kafedrasida  o‘qituvchi, katta o‘qituvchisi  lavozimlarida  faol mehnat qilgan. 1976 - 1977 yillarda kimyo kafedrasi  mudiri, 1978 - 1982  yillarda  tibbiyot - geografiya  fakultetida  dekanlik  lavozimida  faol mehnat  qilgan. “Azometrik  moddalarni  analitik  reagentlar sifatida  sintez va tadqiq  qilish” mavzusida nomzodlik dissertatsiyasini  himoya qilgan.  U Farg‘ona  davlat  pedagogika  instituti hada tibbiyot – geografiya  fakultetida  o‘quv  talim tarbiya  ishlarini  rivojlantirishga katta xissa  qo‘shgan olim, ustoz bo‘lgan.