Hoshimov G‘ulomat

Fizika - matematika fanlari nomzodi,dotsent

    1938 yil 15 mayda Farg‘ona shag‘rida  tavallud topgan. Farg‘ona  tumani Beshbola  qishlog‘idagi  8 - o‘rta  maktabni 1955 yilda  tamomlab, 1955 - 1960 yillarda  Farg‘ona  davlat pedagogika  institutining fizika - matematika  fakulteti fizika va mehnat  bo‘limida tahsil oldi. Bitirgach, yosh mutaxassis sifatida umumiy  fizika kafedrasida o‘qituvchi lavozimida ishga  qoldirildi.    1962 - 1965 yillarda  Toshkent davlat universitetida  shogird - tadqiqotchi, 1965 - 1968 yillarda Armaniston  Fanlar akademiyasida radiofizika  va elektronika yo‘nalishi bo‘yicha  aspiranturada  tahsil oldi. 1968 yilda nomzodlik dissertatsiyasini himoya qildi. 1973 yilda nazariy  fizika kafedrasi dotsenti  unvonini olishga  sazovor bo‘ldi.1968 - 1969 yillarda Farg‘ona  davlat pedagogika instituti fizika kafedrasida o‘qituvchi, katta  o‘qituvchi, 1969 - 1975 yillarda fizika  fakulteti dekani,  1975 - 1987 yillarda Toshkent qishloq xo‘jaligi instituti Farg‘ona filiali o‘quv va ilmiy ilmimy ishlar bo‘yicha direktor o‘rinbosari, 1987 yildan Farg‘ona davlat  pedagogika  instituti nazariy fizika kafedrasi dotsenti, kafedra mudiri, o‘quv ishlari  bo‘yicha prorektor, universitet sifat bo‘lmi boshlig‘i lavozimida faol mehnat qildi.