Dilfuza Imomova 1968 yil Jizzax viloyatining Jizzax tumanida tug‘ilgan. 10-o‘rta maktabni oltin medal bilan bitirgan. 1985 yil Samarqand davlat universitetining biologiya fakultetiga o‘qishga kirdi. Universitetni muvaffaqiyatli tamomladi.
1990 yilda Jizzax shahridagi 16-maktabda kimyo-biologiya fanidan o‘quvchilarga saboq bera boshladi. 1997 yildan boshlab Jizzax davlat pedagogika institutida ishlay boshladi. Boshlagan ilmiy ishini tugallab, uni muvaffaqqiyatli himoya qildi. Fan nomzodi degan sharafga muyassar bo‘ldi.
Endilikda Dilfuzaxonning ilmiy maqolalari matbuot nashrlarida chop etib turiladi. Tabiatni sevib- ardoqlash kerakligi, har bitta tirik organizm haqida yetarli ma’lumotga ega bo‘lish zarurligini shogirdlariga qayta-qayta uqtiradi. Keyingi yillarda uning o‘zi ham «Gulli o‘simliklar tarixiga bir nazar» nomli uslubiy qo‘llanma hamda «O‘simliklar anatomiyasi va morfologiyasidan laboratoriya mashg‘ulotlari» nomli o‘quv qo‘llanmalarni nashr ettirdi.
Dilfuzaxon chiroyli oilaning bekasi hamdir. Umr yo‘ldoshi Ulug‘bek Imomov hisobchi-iqtisodchi. Ikki o‘g‘il va bir qiz bu xonadonda o‘sib voyaga yetmoqda, hammalari ilmga bu kun o‘qishu izlanishda. Biolog olimaning ilm tarqqiyoti yo‘lidagi xizmatlari esa bu kun ko‘pchilik yoshlarga ibrat bo‘layapti.
