Rahmatillo Oltinovich Ismatov 1961 - yil 4 - yanvarda Namangan viloyati Uychi tumani Yorqo‘rg‘on qishlog‘ida tug‘ilgan.
1968 - 1978 yillarda Uychi tumanidagi 10 - o‘rta maktabda o‘qigan.
1978 - yilda Abu Rayhon Beruniy nomidagi Toshkent politexnika institutining qurilish fakultetiga o‘qishga kirib, 1983 - yilda uni a’lo baholarga tamomlagan. Shu yil noyabr oyida ToshPI ning Namangan filialida assistent lavozimida mehnat faoliyatini boshlagan.
1988 — 1991 yillarda O‘zbekiston Fanlar akademiyasining Iqtisod instituti aspiranturasida o‘qigan.
1992 - yilda mazkur institutning ixtisoslashgan ilmiy kengashida “Qurilish korxonalarida mehnatni pirovard natijadariga qarab tashkil etish va rag‘batlantirish” mavzusidagi nomzodlik dissertatsiyasini muvaffaqiyatli himoya qilib, iqtisod fanlari nomzodi ilmiy darajasini olgan.
1996 - yilda unga dotsent ilmiy unvoni berilgan.
Hozirgi kunda menejment kafedrasi mudiri lavozimida ishlab kelmoqda.
1996 - yil fevral - may oylarida Yevropa Ittifoqining MSDS, IEEC, IG‘OA, YeS TASIS dasturi bo‘yicha malakasini oshirgan. 1998 - yil may - iyun oylarida respublika “Ustoz” jamg‘armasining granti sovrindori sifatida Amerika Qo‘shma Shtatlarining Nyu - York universitetida ham malaka oshirgan.
2000 — 2001 yillarda “Yevroaziya” fondining TOO - 0192 “Menejment mutaxassisligi magistrlari uchun o‘quv dasturlari va o‘quv qo‘llanmalar yaratish” mavzusidagi 26954 AQSh dollarlik grant loyihasida loyiha direktori vazifasini bajargan.
Kasb - hunar kollejlari uchun hammualliflikda “Bozor iqtisodiyoti” nomli darslik (Toshkent, “O‘qituvchi”, 2002), “Iqtisodiy savodxonlik asoslari” nomli o‘quv qo‘llanma (Toshkent, “Sharq” 2000) chop etgirgan.
R. Ismatov 50 dan ziyod ilmiy va o‘quv - uslubiy ishlar muallifidir. Hozirgi kunda “Bozor iqtisodiyoti sharoitida qurilish korxonalarida mehnatni tashkil etish va boshqarishni takomillashtirish” mavzusidagi doktorlik dissertatsiyasi bo‘yicha ilmiy tadqiqotlar olib bormoqda.
