Ismoilov G‘ulomjon

Qishloq xo‘jalik fanlari nomzodi

    1943 yil 9 noyabrda Andijon viloyati  Asaka  tumanida tug‘ilgan. 1949 - 1960 yillarda  tumandagi  14 - o‘rta maktabda  talim olgan.
  1962 yilda hozirgi O‘zbekiston Milliy universiteti biologiya - tuproqshunoslik fakultetiga o‘qishga kirgan. 1965 - 1967 yillar davomida  harbiy  xizmatda bo‘lgan,  xizmatni tugatib yana  o‘qishni davom ettirgan. 1971 yilda mazkur  oliygohni  muvaffaqiyatli tamomlab, O‘zbekiston Fanlar akademiyasi  O‘EBITI da kichik  ilmiy xodim  lavozimida o‘z faoliyatini boshlagan.
  1979 yilda “Har xil navlarning  mahsuldorligini ko‘chat qalinligiga  va ekish  oraliqlariga bog‘liqligi” mavzusida fan  nomzodligi dissertatsiyasini himoya qilgan.
  1982 yilda Toshkent qishloq xo‘jaligi  institutiga  ishga kelgan, 1984 - 1987 yillar  davomida institutning botanika  kafedrasi mudiri  lavozimida ishlagan. 1987 yildan  boshlab Farg‘ona davlat  pedagogika instituti tibbiyot  fakulteti dotsenti, tarbiyaviy  va o‘quv  ishlari bo‘yicha dekan o‘rinbosari  lavozimlarida, 1996 - 1997 yillarda esa ekologiya  kafedrasi mudiri  vazifasida  faoliyat olib borgan.
  G‘. Ismoilov tomonidan 80 dan ortiq ilmiy maqola va tezislar, shu jumladan, 10 dan oshiq o‘quv va uslubiy  qo‘llanmalar  chop etilgan.