Kimyo fanlari nomzodi, dotsent
1971 yil 21 fevralda Qo‘shtepa tumanida tavallud topgan. 1988 yilda Yozyovon tumanidagi 26 - o‘rta maktabni bitirgan. 1988 - 1990 yillarda Oxunboboyev tumani jamoa xo‘jaligi azosi, 1990 - 1991 yillarda Yozyovon tumani 2 - maktabda yoshlar yetakchisi bo‘lib ishlagan.
1991 - 1997 yiilarda Farg‘ona davlat universiteti talabasi , 1997 - 1998 yillarda Farg‘ona davlat universiteti kimyo kafedrasi o‘qituvchisi lavozimida ishladi.
2001 - 2004 yillarda Farg‘ona davlat universiteti tibbiyot fakulteti dekan o‘rinbosari, 2005 - 2009 yillarda universitet maxsus sirtqi bo‘lim boshlig‘i o‘rinbosari, 2009 - 2011 yillarda tibbiyot - geografiya fakulteti o‘quv ishlari bo‘yicha dekan muovini, 2011 - 2013 yillarda kimyo kafedrasi dotsenti, 2013 yildan kimyo kafedrasi mudiri lavozimida ishladi.
2005 yil 2 fevralda “Mahalliy xom ashyodan foydalanib grafitli surkov moyi olish texnologiyasini ishlab chiqish” mavzusida nomzodlik disserttsiyasini yoqladi.
M. Ismoilov rahbarligida 1 nafar talaba davlat stipendiyasi (M. Yunusov), 1 nafar talaba xalqaro Mendeleyev nomidagi stipendiyasi (U. Ismoilov) sovrindori bo‘lishgan.
U 50 dan ortiq ilmiy va uslubiy maqolalar , risolalar muallifidir. 3 ta uslubiy ko‘rsatma, 1ta o‘quv qo‘llanmasi chop etilgan, 1 ta mualliflik guvog‘nomasi sohibi.
Pedagogik faoliyat bilan birgalikda Farg‘ona neftni qayta ishlash aktsionerlik korporatsiyasi, ”Quvasoytsement” AJ bilan hamkorlikda ilmiy tadqiqotlar olib bormoqda.
