Tarix fanlari doktori, professor, Beruniy nomidagi davlat mukofoti laureati
1946 yil 26 dekabrda Farg‘ona tumanidagi Qo‘chqorchi qishlog‘ida tug‘ildi. 1952 - 1962 yillari shu tumandagi 12 - umumta’lim maktabini bitirdi. 1963 - 1968 yillari Farg‘ona davlat pedagogika instituti tarix - geografiya fakultetini tugalladi.
1968 yildan institutning geografiya kafedrasida o‘qituvchi lavozimida ishga qolgan M.Isomiddinov keyinchalik laborant, katta laborant lavozimlarida ishladi. 1971 yil mart oyidan ustozi A.Abdulhamidovning tavsiyasi bilan Samarkand shahrida yangi tashkil etilgan O‘zbekistan Fanlar akademiyasi Arxeologiya institutiga laborant lavozimiga ishga kirdi.
1973 - 1975 yillarda sobiq Ittifoq Fanlar akademiyasi Arxeologiya institutining Leningrad (Sankt - Peterburg) bo‘limiga stajer – tadqiqotchi sifatida yuborildi. 1975-1977 yillarda shu instituta aspiranturasiga kirdi. 1979 yilda institut ilmiy Kengashida “Qadimgi va ilk o‘rta asrlardagi Janubiy Sug‘d kulolchiligi” mavzuidagi nomzodlik dissertatsiyasini himoya qildi.
1979 yildan 2007 yilgacha O‘zbekistan Fanlar akademiyasi Arxeologiya institutining kichik ilmiy xodimi, yetakchi ilmiy xodimi lavozimlarida ishladi.
M.Isomiddinov Arxeologiya institutida ishlashi davomida juda ko‘plab Uzbekistan vaxalqaro miqyosdagi ekspeditsiyalarida qatnashdi. Jumladan, 1973 - 1987 yillarda Uzbekistan Fanlar akademiyasi Arxeologiya institutining R.H.Sulaymonov boshchilik qilgan Yerqo‘rg‘onekspeditsiyasining doimiy qatnashchisi, 1973 - 2000 yillarda sobiq Ittifoq Fanlar akademiyasi Arxeologiya instituti Leningrad bo‘limi va Davlat Ermitajining Panjikent ekspeditsiyasining doimiy qatnashchisi, 1980 - 1983 yillarda Uzbekistan Fanlar akademiyasi Arxeologiya institutining Namangan ekspeditsiyasi rahbari, 1988 - 2010 yillarda O‘zbek - Frantsuz qo‘shma ekspeditsiyasining O‘zbekiston tomonidan rahbari, 1996 - 2009 yillarda O‘zbekiston - Italiya qo‘shma ekspeditsiyasining, 2012 - 2014 yillarda Andijon viloyatidagi Mingtepada O‘zbek – Xitoy qo‘shma ekspeditsiyasining qatnashchisi bo‘ldi.
2000 yilda “Samarkand shahar sozlik madaniyatining ildizlari” mavzuidagi doktorlik dissertatsiyasini himoya qildi. 1985 yilda Abu Rayhon Beruniy nomidagi davlat mukofotiga sazovor bo‘ldi.
2002 yilda Fanlar akademiyasining “Yilning eng yaxshi ilmiy ishi” nominatsiyasida qatnashib, “Samarkand shahar sozlik madaniyatining ildiz¬lari” kitobi g‘olib deb topildi. 2003 yilda “Mehnat shuhrati” ordeni bilan taqdirlangan. 17 ta monografiya, 150 dan ortiq ilmiy va ilmiy – ommabop maqolalar muallifi.
