Istamova Marxabat

    Filologiya fanlari nomzodi,  dotsent Marxabat Istamova salkam  qirq  yillardan  buyon  Sadriddin Ayniy nomidagi Samarqand  davlat pedagogika institutida ishlab keladi. Bir  paytlar  pedagoglikning  siru  asrorlarini  ustozlaridan  o‘rgangan  Marxabat  Istamova endilikda o‘z ham ko‘plab yoshlarning   maqolalari  nufuzli  jurnallarda  nashr etilgan. Shuningdek o‘tgan davr ichida bir qancha o‘quv - uslubiy  qo‘llanmalar  ham yaratdi. “Tojik tili o‘qitish  uslubiyoti” (1- 2 qism), “Tilshunoslik  va tabiiy  fanlar”, “Tojik tili tarixi”,  “Hozirgi  zamon  tojik adabiy  tili”  (amaliy mashg‘ulot) “V - IX   sinflarda  tojik  tilining muhim masalalari”  singarilar shular  jumlasidandir.
  O‘zbekiston Respublikasi  maorif, oliy va o‘rta maxsus  ta’lim vazirligi, viloyat va shahar  hokimligi, SamDPI  rahbariyati, SamDU  rektorati  zahmatkash olima Marxabat  Istamovaning  ko‘p yillik  mehnatlarini munosib taqdirlagan. Marhabat Istamova 1942 yil Samarqand shahrida tug‘ildi. 1949 - 1959 yillarda Siyob  tumanidagi  o‘rta maktabni   muvaffaqiyatli tamomlab, SamDU ning  tojik filologiyasi  fakultetiga  o‘qishga kirdi. Institutni tugatgach, o‘rta  maktabda dars bera boshladi. Keyinchalik  uni Samarqand davlat pedagogika institutiga ishga taklif etishdi. Ish jarayonida  Marxabat Istamova o‘zining izlanuvchan va talantli  pedagog  ekanligini namoyish  qildi. Talabalarning  ma’naviy ustoziga aylandi.
  Endilikda Marxabat Istamova tajribali pedagog, shu bilan birga ajoyib ona hamdir. Besh farzandni tarbiyalab, elga qo‘shdi, o‘n besh nafar nabiralarning ham kelgusida o‘qimishli  va yaxshi  insonlar  bo‘lib yetishishini istaydi. Xullas, u institutda   ham, oilada ham kishi havas qilsa  arzigulik ustozdir.