Fizika – matematika fanlari nomzodi, dotsent
1942 yilda Andijon shahar Qatorterka mahallasida tug‘ilgan. 1959 yili maktabni alo boholarga tamomlab, Farg‘ona pedagogika institutining fizika - matematika fakulteti matematika va chizmachilik bo‘limiga o‘qishga kirdi. B. Kalanov faqat alo baholarga o‘qibgina qolmasdan, institutning jamoat ishlarida faol qatnashar va tashkiltchilik qobiliyatini namoyon qilardi. 1964 yilda institutni imtiyozli diplom bilan tamomladi. Shu yili matematik analiz kafedrasida o‘qituvchi lavozimida ishga qoldirildi. 1968 yili B. Kalonov professor Q. Boyqo‘ziyev rahbarligida “Chegarada buziladigan xususiy hosilasi differentsial tenglamalar” mavzusi bo‘yicha ilmiy ish olib borib , shu sohani chuqur o‘zlashtirdi. U yakka mualliflik va ham mualliflikda (professor J.Karimov va Q. Boyqo‘ziyevlar bilan birgalikda) markaziy ilmiy jurnallarda maqolalar chop ettirdi va respublika miqyosidagi ilmiy - nazariy konferentsiyalarda ilmiy maruzalar qildi. 1978 yili Samarqand savdo institutida tashkil etilgan Jahon matematiklari kongressiga B. Kalonov tenglamalarni yechishda Grin funktsiyasini tuzish , uning yettita xossasini tekshirish va tenglamalar yechimi bo‘lish shartlarini nazariy hamda amaliy jihatdan isbot qilinishiga oid maruza bilan qatnashib , Farg‘ona matematika maktabining ilmiy salohiyatini namoyon etdi.
B. Kalonov 1983 yili O‘zbekiston Respublikasi FA Matematika instituti ixtisoslashtirilgan Kengashida fizika - matematika fanlari nomzodi ilmiy darajasini olish uchun dissertatsiyasini muvaffaqiyatli himoya qildi. U o‘z ilmiy yo‘nalishi bo‘yicha yigirmadan ortiq ilmiy maqolalarini elon qilgan.
