Fizika kafedrasi dotsenti
1914 yil 1 yanvarda tavallud topgan. 1934 yilda maktabni bitirib, Samarqand shahridagi irrigatsiya - melioratsiya texnekumiga o‘qishga kirgan. 1938 yili texnikumni bitirgandan so‘ng mutaxasisligi bo‘yicha To‘rtko‘lga ishga jo‘natilidi va 1940 yili Farg‘onaga ishga taklif qilindi. Shu yili Farg‘ona davlat pedagogika instituti fizika - matematika fakultetiga o‘qishga kiradi. Ikkinchi jahon urushi boshlaganligi sababli 1941 yili mehnat frontida xizmat qildi. Xizmatdan so‘ng qaytib kelib, o‘qishni davom ettirdi. 1945 yili institutni tamomlagan X. Karimov Farg‘ona davlat pedagogika institutining fizika kafedrasi asssistenti lavozimiga ishga qoldirildi. 1949 - 1962 yillari fizika kafedrasi o‘qituvchisi , katta o‘qituvchisi, 1962 - 1969 yillari fizik kafedrasi mudiri lavozimlarida ishladi.
1971 yil 26 noyabrda Oliy attestatsiya Komissiyasi tomonidan unta ilmiy - pedagogik ishlari uchun dotsent ilmiy unvoni berildi. 1971 - 1986 yillarda fizika kafedrasi dotsenti lavozimida faol mehnat qildi. U o‘zining 41 yillik ish faoliyati davomida talabalarga dars berish bilan birga, ilmiy - tadqiqot, laboratoriya ishlariga ham rahbarlik qildi. Ayniqsa, laboratoriya eksperimenta va demonstratsiya ishlariga katta e’tibor berdi. Shu bilan birga, laborantlarga ustozlik qilib, ularga o‘quv eksperimenta texnikasi va metodikasini egallash bo‘yicha ko‘rsatmalar berib bordi. Elektro dinamika bo‘yicha100 dan ortiq eksperimental ishlar qilgan. 50 dan ortiq maqolalari va “Novie issledovaniya dvijushix sil magnitnogo polya” (Toshkent, “Fan”) monografiyasi chop etilgan. R.G.Sigalov bilan birga qilgan ishlari dunyo olimlari tomonidan tan olinib, 30 dan ortiq mutaxassislar institut ilmiy laboratoriyasiga kelib, ishlar bilan tanishishgan. Elektro dinamika bo‘yicha qilingan ishlarga fizika - matematika fanlari doktori G.M.Avakyants, texnika fanlari doktorlari O.A.Chembrevskiy va V.T.Desyatkov, fizika matematika fanlari kandidata L.A.Drujkin, texnika fanlarinomzodi V.S.Okolotin, Belorussiyaning fizika - texnika instituta muhandisi N.P.Ivanov va boshqalar ijobiy takriz berishgan. Elektro dinamika rivojiga qo‘shgan katta hissasi uchun Moskva shahridagi “Tabiatni tadqiq etish” ilmiy jamiyatining haqiqiy a’zosi etib saylangan.
