Geografiya fanlari nomzodi, professor
1894 yil 1 mayda tug‘ilgan. Geografiya kafedrasining asoschisi, geograf , tarixchi va shoir , O‘zbekiston maktablari uchun ko‘plab yuqori malakali geograf – o‘qituvchilar kamol topishida katta hissa qo‘shgan tarbiyachi - pedagog . U 1918 yili Moskva davlat universitetining tarix – filologiya fakultetini tamomlab, 1920 - 1927 yillarda Tomsk universitetida o‘qituvchi lavozimida faoliyat olib bordi. Keyinchalik, yani 1928 - 1930 yillarda Moskva davlat universitetida o‘qituvchi - metodist, Sibir va O‘rta Osiyo jurnallari bo‘yicha referent hamda Ikkinchi Moskva universiteti qoshidagi Milliy pedagogika institutida o‘qituvchi bo‘lib ishlagan. Olimning Farg‘ona davlat pedagogika institutidagi faoliyati 1930 yillardan boshlangan bo‘lib, 1930 - 1958 yillarda geografiya kafedrasi mudiri, 1968 - 1970 yillarda kafedraning professor konsultanti vazifalarida faoliyat olib bordi. N. I. Leonovga 1934 yilda Oliy attestatsiya Komissiyasi tomonidan professor unvoni berildi. 1936 yilda esa geografiya fanlari doktori V. A. Kamentskiy va S. G Grigorevlarning tavsiyalari bilan uning chop etilgan ishlari uchun himoyasiz geografiya fanlari nomzodi ilmiy darajasi berildi.
N. I. Leonov kafedrada professor - konsultant (1968 - 1970) bo‘lib ishlagan davrda geografiya tarixi va geografik bilimlarni ommalashtirish sohasida bir qator ishlarni amalga oshirdi. N. Leonovning 1949 yilda chop etilgan “Mirzo Ulug‘bek - XV asrdagi mashhur astronom” nomli risolasi uni keng kitobxonlar ommasiga tanishtirdi. Shuningdek, uning monografik tadqiqotlarida Turkiston tabiatini o‘rganishda katta hissa qo‘shgan olimlarning ilmiy ishlari tushunarli va qiziqarli tarzda bayon qilib berilgan. N. I. Leonov 1969 yili “Zemlya i Lyudi” ilmiy - ommabop jurnalida Farg‘ona vodiysida lyoss jinslarining hosil bo‘lishiga doir eol gipotezasini elon qildi.
