Madaliyev Bobojon

Filologiya fanlari nomzodi, dotsent

    Bobojon Madaliyev 1920 yilda  Rishton  qishlog‘ida  tug‘ildi. O‘rta  maktabni  bitirgandan keyin  Tojikistonning  Xo‘jand  shahridagi  olti  oylik  o‘qituvchilar tayyorlash  kursida o‘qidi.1940 - 1942 yillarda  to‘liqsiz  o‘rta maktablarda  til va adabiyot  o‘qituvchisi  bo‘lib ishladi. 1942  iyun oyida  armiya  safiga chaqirilib, Ikkinchi  Jahon  urushida qatnashdi. 1943  yilda  armiyadan  yarador  bo‘lib  qaytdi va maktablarda  direktor, ilmiy bo‘lim  mudiri  vazifalarida  ishladi.
  1946 - 1947 yillarda Marg‘ilon shahar o‘qituvchilar institutida, 1947 - 1949 yillarda Nizomiy nomidagi Toshkent davlat pedagogika institutining til va adabiyot fakultetida, 1949 - 1952 yillarda esa shu institut qoshidagi aspiranturada o‘qidi. 1959 yildan Qo‘qon pedagogika institutida dastlab o‘qituvchi, keyinroq dotsent hamda til va adabiyot kafedrasi mudiri vazifalarida ishladi.
  U 1958 yilning 23 dekabrida olim Z.Ma’rufov rahbarligida “Hozirgi zamon o‘zbek tilida qo‘shma so‘zlar” mavzusida nomzodlik dissertatsiyasini yoqlagan. 1962 yilda unga filologiya fanlari nomzodi ilmiy darajasi berilgan. O‘z ilmiy - pedagogik faoliyati davomida 20 dan ortiq ilmiy va metodik maqolalar e’lon qilgan.