Mamajonov Abdumalik Mamajonovich

Pedagogika fanlari nomzodi, dotsent

     1933 yil 17 fevralda   Toshloq tumani  Qo‘rg‘oncha  qishlog‘ida   tug‘ilgan. 1956 yilda  Farg‘ona  davlat pedagogika  institutini   muvaffaqiyatli  tamomlagach, kafedrada  avaal assistent , so‘ng   o‘qituvchi bo‘lib  ishlagan. 1959  - 1962 yillarda  O‘zbekiston  Fanlar  akademiyasi ilmiy  tekshirish  instituti  aspiranturasida o‘qidi.
    A.Mamajonov 1963 yil 22 noyabrda sobiq  Ittifoq  Fanlar  akademiyasining  muxbir azosai bo‘lgan professor  Yu.V. Xodakov   rahbarligida   nomzodlik dissertatsiyasini  himoya qilib, Markaziy Osiyoda kimyo o‘qitish  metodikasi  bo‘yicha  birinchi   metodist – olim bo‘lgan. U uzoq  yillar  kimyo o‘qitish  metodikasi  kafedrasida  mudirlik  lavozimida  faol mehnat qildi. 1976 yili tibbiyot  geografiya fakulteti dekani , 1982 - 1987 yillari  Toshkent  qishloq xo‘jalik  instituti Farg‘ona filiali direktori lavozimlarida  ishlagan yillari  Farg‘ona viloyatida  qishloq xo‘jalik  mutaxassislarini  tayyorlash  borasida  katta  ishlarni amalga oshirishga  katta hissa qo‘shdi.
    Kimyo kafedrasida  dotsent lavozimida ishlab , dotsent M. D. Abramov bilan   birgalikda kimyo  o‘qitish metodikasi  kursini olib borgan. Yigirma  beshdan ortiq  ilmiy ishlari, shu  jumladan, bir necha o‘quv qo‘llanmalari  va   VIII  sinf  anorganik  kimyo darsligi  muallifi bo‘lgan.