Qishloq xo‘jalik fanlari nomzodi, dotsent
1957 yil 14 mayda Farg‘ona viloyati Buvayda tumanida tug‘ilgan. 1974 yilda Buvaydagi tumanidagi 1 - o‘rta maktabni tamomladi.
1974 - 1979 yillar davomida Farg‘ona davlat pedagogika instituti tibbiyot - geografiya fakulteti ximiya - biologiya yo‘nalishida o‘qib, imtiyozli diplom bilan tamomladi.
1980 - 1983 yillar davomida O‘rta Osiyo o‘simliklarni himoya qilish ilmiy tekshirish institutining kunduzgi bo‘lim aspiranturasida tahsil olgan. 1987 yili Sankt - Peterburgdagi Butun ittifoq o‘simliklarni himoya qilish ilmiy tekshirish institutida “O‘zbekiston Respublikasida g‘o‘za gommoz kasalligining tarqalishi va unga qarshi kurash choralari” mavzuidagi nomzodlik dissertatsiyasini muvaffaqiyatli himoya qilgan.
1983 - 1986 yillari BIO‘HQITI da laborant, ilmiy xodim, 1986 - 1992 yillari Toshkent agarar universitetida o‘qituvchi, 1992 - 1999 yillari Farg‘ona davlat universitetida katta o‘qituvchi, dotsent, dekan o‘rinbosari, o‘quv bo‘limi boshlig‘ining sirtqi bo‘lim bo‘yicha muovini lavozimlarida faoliyat olib borgan.
1999 - 2005 yillari Davlat bojxona qo‘mitasi Farg‘ona regional o‘quv markazida o‘qituvchi, bosh nozir lavozimi da xizmat qildi. 2005 yildan boshlab Farg‘ona davlat universitetida katta o‘qituvchi, dotsent, 2012 yildan boshlab esa umumiy ekologiya va botanika kafedrasi dotsenti lavozimida faoliyat ko‘rsatib kelmoqda.
