Kimyo fanlari nomzodi, dotsent
1948 yil 19 fevralda Xorazm viloyatining Xonqa tumanidagi Qoraqosh qishlog‘ida tavallud topgan. 1972 yili Toshkent davlat pedagogika institutning kimyo - biologiya fakultetini imtiyozli tugatdi. Farg‘ona plastmassalar ilmiy tekshirish institutida ish faoliyatini boshladi.
1981 yilda Qozog‘iston Fanlar akademiyasining Elektroximiya va organik kataliz institutida nomzodlik dissertatsiyasini yoqladi.
1972 - 1992 yillarda plastmassa ilmiy tekshirish institutida kichik ilmiy xodim, katta ilmiy xodim va laboratoriya mudiri lavozimlarida ishladi.
1992 yildan hozirgacha Farg‘ona davlat universiteti noorganik va fizikaviy kimyo kafedrasida dotsent lavozimida ishlab kelmoqda .
R. Matyakubov 225 dan ortiq ilmiy va uslubiy maqolalar, risolalar , monografiyalar, o‘quv - uslubiy qo‘llanmalar muallifi, 15 dan ortiq mualliflik guvohnomalari sohibidir.
U pedagogik faoliyat bilan birgalikda kimyo fanining turli sohalarida: kinetik kataliz, fizi kimyo, geterogen katalizining fizik-kimyoviy asoslari , getrotsiklik birikmalarning reaktsion qobiliyati, kvant mexanikasi, modda tuzilishini o‘rganadigan fizik metodlar, katalitik jarayonlardagi moddalar va analizning optik hamda elektorkimyoviy usullari sohalarida ilmiy - tadqiqot ishlarini olib bormoqda Iqtidorli talabalar bilan ishlash sohasida ham yutuqlarga erishdi. Jumladan, kimyo yo‘nalishi talabalari N. O‘sarova 2002 yilda Zulfiya nomidagi davlat mukofati, F. Qurbonalieva Ulug‘bek stipendiyasi laureati bo‘ldi.
R. Matyakubov ilmiy ishlarining 63 tasi Rossiya Federatsiyasi va Latviya ilmiy nashrdarida chop etilgan. 2004 - 2005 yillarda O‘zFA fundamental ilmiy tadqiqotlarni qo‘llab - quvatlash markazi granti sohibi bo‘lgan.
