Mavlanov Hasan Yusupovich

    Hasan Yusupovich Mavlanov 1965 yil 11 sentyabrda Namangan tumani toshbuloq qishlog‘ida xizmatchi  oilasida tug‘ilgan. 1982 yilda  Namangan tumanidagi  23 - o‘rta  maktabni tugatgach, Toshkent davlat universitetining fizika  fakultetiga  o‘qishga kirdi. 1983 - 1985 yillarda harbiy xizmatni o‘tadi va  1989 yilda  ushbu universitetni kvant  radiofizikasi ixtisosligi  bo‘yicha tugatdi.
     Ish faoliyatini 1989 yilda  ToshDU yo‘llanmasi bo‘yicha  O‘zbekiston Respublikasi Fanlar akademiyasining Eloktronika ilmiy - tekshirish institutida  ilmiy - tadqiqotchi lavozimida boshladi.
    1990    yildan ToshPIning Namangan filialining (hozirgi NamMPI) fizika kafedrasida o‘quv laboratoriyasi mudiri vazifasida ish boshladi.
    1991    yildan Rossiya Fanlar akademiyasining Sankt - Peterburg shahridagi A.F.Ioffe nomidagi fizika - texnika ilmiy - tekshirish institutida stajyor - tadqiqotchi sifatida ilmiy ishlarini davom ettirdi. U bu davrda ilmiy - tekshirish institutining taniqli olimlari bilan hamkorlikda maqolalar chop etdi va institut ilmiy seminarlarida faol ishtirok etdi.
    1992    yilda mazkur institut aspiranturasining kunduzgi bo‘limiga o‘qishga qabul qilindi.
    1996    yilda “Aralashmali amorf kremniyda defekt zichliklari” mavzusida nomzodlik dissertatsiyasini muvaffaqiyatli himoya qildi va unga fizika - matematika fanlari nomzodi ilmiy darajasi berildi.
    X. Yu. Mavlonovning ilmiy  ishlari “Yarim o‘tkazgichlar fizikasi va texnikasi”, “Qattiq jismlar fizikasi” jurnallarida hamda MDH mamlakatlari (1994 y.) va Frantsiyada (1995 y.) o‘tkazilgan ilmiy anjumanlar to‘plamlarida chop etildi.
    1997    yildan Namangan muhandislik - pedagogika institutida katta o‘qituvchi, 2002 yildan dotsent vazifasini bajaruvchi lavozimida ishlab kelmoqtsa.
    X.Yu.Mavlonov 20 dan ortiq ilmiy - uslubiy ishlar muallifidir.