Biologiya fanlari nomzodi
1972 yil 15 dekabrda Farg‘ona viloyati Toshloq tumani Mehnat obod qishlog‘ida tug‘ilgan. 1991 yili Farg‘ona davlat universitetning agrokimyo va tuproqshunoslik yo‘nalishiga o‘qishga kirdi. 1996 yilda o‘qishni tamomlagandan so‘ng kafedraga ishga taklif etild. 1996 - 1998 yillarda kafedrada o‘quv –laboratoriya mudiri, 1998 - 1999 yilda shogird - tadqiqotchi, 1992 - 2002 yillarda kunduzgi bo‘lim aspiranti, 2002 yildan o‘qituvchi, 2010 yilning dekabr oyidan katta o‘qituvchi, 2014 yildan kafedra dotsenti lavozimlarida faoliyat ko‘rsatib kelmoqda. Shuningdek, 2013 - 2014 o‘quv yili ikkinchi yarmida tuproqshunoslik kafedrasi mudiri vazifasini bajaruvchi lavozimida ishladi.
U. Mirzayev ilmiy sohada ham samarali izlanishlar olib bordi. U ”Isfayram Shohimardonsoy konus yoyilmalaridagi arziqli tuproq xossalarining antropogen omil tasirida o‘zgarishi”mavzusidagi dissertatsiya ishini 2009 yilning 11 noyabrida Tuproqshunoslik va agrokimyo ilmiy - tadqiqot davlat instituti huzuridagi ixtisoslashgan Kengashda muvaffaqiyatli himoya qildi.
U. Mirzayev tomonidan respublika va xalqaro miqyosdagi anjumanlarda 20 ga yaqin ilmiy maqola chop ettirdi. Kafedra professori V. Isaqov bilan birgalikda “Markaziy Farg‘onada shakllangan arziqli tuproqlarning xossalari va ularning inson omili tasirida o‘zgarishi” mavzusidagi monografiyasi 2009 yilda “Fan” nashriyoti tomonidan nashr etilgan.
