Nozimjon Sobirovich Narzullayev 1963 yil 30 iyulda Namangan viloyati Chortoq tumani Koroskon qishlog‘ida ziyoli oilasida tug‘ilgan.
1970 - 1980 yillarda qishloqdagi 68 - o‘rta maktabda o‘qib, oltin medal bilan tamomlagan.
1980 yil Andijon paxtachilik institutiga o‘qishga kirib, 1985 yili uni imtiyozli diplom bilan tugatgan.
1985 - 1987 yillarda harbiy xizmatni o‘tagan.N. S. Narzullaev 1987 yili Toshkent politexnika institutining Namangan filialiga (hozirgi Nam- MPI) katta laborant vazifasiga ishga qabul qilingan. Mehnat faoliyati davomida assistent, katga o‘qituvchi va dotsent lavozimlarida ishlab kelmoqda.
U 1989 - 1994 yillar mobaynida “Kibernetika” ilmiy ishlab chiqarish birlashmasi bilan hamkorlikda olib borgan ilmiy - tadqiqot ishlarining natijalari bo‘yicha 1994 yil mazkur birlashmaning Ixtisoslashgan kengashida “Qurilish materiallarini tashishda avtomobil va temir yo‘l transportining birgalikdagi faoliyatini boshqarish” mavzusidagi nomzodlik dissertatsiyasini muvaffaqiyatli himoya qildi. Unga iqtisd fanlari nomzodi ilmiy darajasi berildi.
1994 - 1996 yillarda iqtisodiyot fakulteti dekan muovini lavozimida faoliyat ko‘rsatdi.
1996 yildan beri texnologiya fakulteti dekani sifatida ilmiy - pedagogik, ma’naviy - ma’rifiy va ommaviy - tashkiliy ishlarga rahbarlik qilib keldi.
2002 yilda N. S. Narzullayev dotsent ilmiy unvonini oldi.
Olim 50 dan ziyod ilmiy ishlar muallifi bo‘lib, shulardan 2 tasi (“Talabalarda tashkilotchilik va boshqaruv faoliyatini shakllantirish”, 2000 yil, “Mikroiqtisodiyot”, 2002 yil) o‘quv qo‘llanmasidir.
2003 - 2004 o‘quv yili oxirida u yangi tashkil etilgan boshqaruv fakulteti dekani etib tayinlandi.
