Muhammad Nasriddinov 1960 yil 11 aprelda Namangan shahrida xizmatchi oilasida tug‘ilgan.
U1977 yili Namangan shahridagi 77 - o‘rta maktabni oltin medal bilan tugatdi. 1982 yilda Toshkent politexnika instituti ning qurilish fakultetini imtiyozli diplom bilan bitirgandan so‘ng shu institutning yig‘ma temir-beton ishlab chiqarish kafedrasida stajyor tadqiqotchi lavozimida ish boshladi.
1986 — 1989 yillarda Toshkent politexnika instituti aspiranturasining kunduzgi bo‘limida tahsil oldi.
1990 yili Moskvada “Qurilish konstruktsiyalari, bino va inshootlar” mutaxassisligi bo‘yicha “Lyossimon tuproqli g‘ovak to‘ldiruvchilardan tayyorlangan yengil betonning mustahkamlik va deformativ xossalari va undan tayyorlangan egiluvchi elementlar ishining o‘ziga xos xususiyatlari” mavzusidagi nomzodlik dissertatsiyasini himoya qilgan.
Shu yildan boshlab Toshkent politexnika instituti Namangan filialining (hozirgi NamMPI) sanoat va fuqaro qurilishi kafedrasida assistent, 1991 yil fevraldan esa dotsent, 1999 — 2004 yillar davomida binolar va sanoat inshootlari qurilishi kafedrasi mudiri lavozimlarida ishladi.
U olimlik faoliyati davomida 45 ta ilmiy - uslubiy ishlar yaratdi va chop ettirdi.
Hozirgi vaqtda “Mahalliy xomashyo va sanoat chi- qindilari asosida g‘ovak to‘ldiruvchilar tayyorlash” mavzusi bo‘yicha ilmiy - tadqiqot ishlari olib bormoqda.
M. M. Nasriddinov Namangan viloyat tabiatni mu- hofaza qilish qo‘mitasi bilan hamkorlikda Namangan viloyatidagi ekologik holatni tahlil etish va yaxshilash borasida ijodiy ishlar olib bormoqda. U binolar va sanoat inshootlari qurilishi kafedrasi professor - o‘qituvchilari va talabalardan iborat ijodiy jamoaning rahbari sifatida xo‘jalik shartnomasi asosida viloyatdagi tashkilot va kichik korxonalarga “Atmosferaga chiqayotgan chiqindilarning inventarizatsiyasi va ularni joylashtirish limitlarin aniqlash” nomli me’yoriy xujjatlarni hamda yangi qurilayotgan qurilish ob’ektlari uchun “Atrof - muhitga o‘tkazilayotgan ta’sir bayonotnomasi ” loyihasini tayyorlamoqda.
