Nematov Islombek

Fizika - matematika fanlari nomzodi, dotsent

    1938 yil 14 aprelda Farg‘ona viloyatining hozirgi Qo‘shtepa  tumanida tavallud topgan. 1956 yili Farg‘ona davlat pedagogika institutining matematika  fakultetiga o‘qishga kirdi va 1961 yili imtiyozli diplom bilan tamomlab, shu yili  iyul oyidan matematik analiz kafedrasida o‘qituvchi lavozimida ish boshladi. Ish davomida “Matematik analiz”, “Oliy algebra va diskret matematika”, ”Maktab matematikasi” fanlaridan dars berdi.
  U pedagogik faoliyat bilan birgalikda ilmiy ishlar olib bordi. O‘zbekiston FA akademigi S. X. Sirojjiddinov va professor  M. Mamatov rahbarligida “Tasodifiy sondagi  tasodifiy  qo‘shiluvchilar  uchun liit  teoremalar” nomli nomzodlik dissertatsiyasini yoqladi.
  I. Nematov “Oliy matematika” (2000 yil),”Diskret  matematika  va matematik  mantiq” (2011) o‘quv  qo‘llanmalarini  chop ettirdi. Hozirda “Diskret matematika va matematik mantiq fanidan  mashqlar to‘plami” qo‘llanmasi  ustida ishlamoqda.