Texnika fanlari nomzodi dotsent
1954 yil 7 martda Andijon viloyati Izboskan tumanida tug‘ilgan. 51- o‘rta maktabni tamomlagach, Farg‘ona davlat pedagogika instituti tibbiyot - geografiya fakulteti kimyo - biologiya mutaxassisligi bo‘yicha o‘qishga qabul qilindi. 1976 so‘ng Farg‘ona shahridagi “Plastmassa” ilmiy tekshirish institutida kichik ilmiy xodim lavozimida ishga qoldirildi.
1977 yil 1 dekabrdan Farg‘ona davlat pedagogika instituti kimyo kafedrasiga o‘qituvchi lavozimiga ishga taklif qilindi. 1979 yilning 15 noyabridan 1982 yilning 15 noyabriga qadar Beruniy nomidagi Toshkent politexnika instituti kimyo - texnologiya fakulteti anorganik moddalar texnologiyasi kafedrasida kunduzgi aspiranturada tahsil oldi, 1983 yilning 24 iyunida “Nitrat kislota ishlab chiqarish chiqindi gazlarini azot oksidlaridan past foizli palladiyli katal izatorlar da katalitik tozalash” mavzuida kimyoviy texnologiya fanidan texnika fanlari nomzodi ilmiy darajasini olish uchun dissertatsiya yoqladi. 1986 yildan dotsent vazifasini bajaruvchi, 1988 yildan kimyo kafedrasi dotsenti. Shu kungacha Fartona davlat universiteta umumiy kimyo va kimyo o‘qitish metodikasi kafedrasida dotsent, kafedra mudiri, tabiiyot markazi direktori o‘rinbosari, tabiiyot - geografiya fakulteta dekani o‘rinbosari, 2005 yildan kimyo kafedrasi mudiri, dotsent lavozimlarida ishlab kelmoqda.
M. Nishonov respublikamizda amalga oshirilayotgan kimyo ta’limi tizimini isloh qilish ishlarida faol ishtirok etib kelmoqda. U o‘rta maktab kimyo fani davlat standarti, namunaviy dasturi hamda 7, 8, 9 - sinflar kimyo darsliklari va oliy o‘quv yurtlari talabalari uchun yaratilgan “Kimyo o‘qitish metodikasi”, “Anorganik kimyo” o‘quv qo‘llanmalari mualliflaridan biridir. Uning ishtirokida 70 dan ortiq ilmiy, ilmiy - metodik maqolalar, 10 dan ortiq darslik va qo‘llanmalar chop etilgan bo‘lib, ularning aksari o‘rta va oliy maktabda kimyo fanini o‘qitishga bag‘ishlangan. U respublikamizda birinchi bo‘lib kimyodan test topshiriqlari yaratib, kirish imtihonlari sinovita tatbiq etgan olimdir. M. Nishonov Uzbekistan Respublikasi Xalq ta’limi vazirligi bilan Britaniya kengashi o‘rtasidagi “Umumta’lim maktablari uchun darslik va o‘quv adabiyotlarini nashr qilish tizimini takomillashtirish” loyihasini amalga oshirishda ishtirok etib, 2000 yilning 18 noyabridan 9 dekabriga qadar Buyuk Britaniyadagi London universiteta (Qirol kolleji)da malakasini oshirib keldi.
