Geografiya fanlari nomzodi, dotsent
1941 yil 3 martda Farg‘ona viloyati Dang‘ara tumani Torg‘ovo qishlog‘ida tug‘ilgan. Geografiya – tarixchi, o‘qituvchi - pedagog . 1957 yilda 15 o‘rta maktabni bitirgan. U Obidov 1959 yili Farg‘ona shahridagi 24 – kasb - hunar bilim yurtiga o‘qishga kirib, ayni vaqtda 1 - maktab qoshidagi ishchi - yoshlar kechki maktabida ham o‘qiy boshlagan. 1961 yili bilim yurtini va kechki maktabni tamomlagandan so‘ng, 1962 yili harbiy xizmatga chaqirildi. 1965 yili harbiy xizmatni tugatib, Farg‘ona davlat pedagogika institutining geografiya fakultetiga o‘qishga kirgan. 1970 yilda Farg‘ona davlat pedagogika instituti biologiya - geografiya fakultetini tugatdi.
U. Obidov instiutni muvaffaqiyatli tamomlagach, 24 – kasb - hunar bilim yurtida 3 yil tarbiyachi va o‘qituvchi bo‘lib ishladi. Ustozi Rahimjon Usmonovning maslahati bilan Farg‘ona davlat pedagogika institutining geografiya kafedrasiga ishga keldi, ilmiy - tadqiqot ishlari bilan jiddiy va faol shug‘allana boshladi. 1989 yilda “Farg‘ona vodiysi tabiatini geografik o‘rganish tarixi” mavzusidagi nomzodlik dissertatsiyasini professorlar V.A. Yesakov va R. U. Rahimbekovlar rahbarligida himoya qildi.
Hozirda “Geografik o‘lkashunoslik “, “Topografiya asoslari va kartografiya”, ”Shaharlar geografiyasi” kabi fanlardan dars berib kelmoqda.” Geografiya darslarida allomalar merosini o‘rganish “ (2007), “Geografik bilimlarning rivojlanishi” (2011), “Farg‘ona vodiysi tabiatini geografik o‘rganish”(2012) nomli o‘quv qo‘llanmalari muallifi. Shuningdek, “Farg‘ona vodiysi tabiatini geografik o‘rganish” (2014) nomli monografiyasi chop etilgan.
