Olimjonov Rahim

    Olimjonov Rahim (1913.10.7 ( Toshkent ) - 1985.17.2) - entomolog olim, Oʻzbekiston FA muxbir aʼzosi (1952), biologiya fanlari doktori (1949), professor (1950). Oʻrta Osiyo universitetining qishloq xoʻjaligi fakultetini tugatgan (1934). Oʻrta Osiyo oʻsimliklarni himoya qilish institutida ilmiy xodim (1935 - 1937). Oʻzbekiston FAning Zoologiya sektori ilmiy xodimi (1939 - 1940). Botanika va zoologiya instituti direktori oʻrinbosari (1941 - 1944). UzDU rektori (1950 - 1955). Oʻzbekiston FA Zoologiya va parazitologiya instituti entomologiya laboratoriya mudiri (1956 - 1972), shu institut direktori (1958 - 1961), Toshkent qishloq xoʻjaligi instituti entomologiya kafedrasi mudiri (1972 - 1981). Ilmiy asarlari gʻoʻza, beda va boshqa ekinlar zararkunandalarini oʻrganish va ularga qarshi kurash choralariga bagʻishlangan. Entomologiya darsligini tuzgan (1977).