Otaxoʻjayev Akbar Qosimovich

    Otaxoʻjayev Akbar Qosimovich (1926.31.12, Turkiston shahri - 1994.5.9, Samarqand) - fizik olim, Oʻzbekiston FA akademigi (1979), fizika-matematika fanlari doktori (1970), professor 1971), Oʻzbekistonda xizmat koʻrsatgan fan arbobi (1977). OʻzDUni tugatgan (1948). Samarqand pedagogika institutida oʻqituvchi va direktor oʻrinbosari (1948-1953), SamDU optika kafedrasida assistent, dotsent (1953-1959), kafedra mudiri (1959 yildan), SamDU fizika fakulteti dekani (1970-1972). 1972-1987 yillarda SamDU rektori. Ilmiy ishlari molekulyar optika va spektroskopiyaga oid. Suyuqlik molekulalarining relaksatsiya vaqtini aniqlashning spektroskopik usulini ixtiro etgan. Beruniy nomidagi Oʻzbekiston Davlat mukofoti laureati (1983).