Qayumov Aziz Po‘latovich

Aziz  Po‘latovich  Qayumov  qalbidagi  adabiyot  cho‘g‘i u kishining  padari  buzrukvori Po‘latjon  Qayumovdan  o‘tgan.  Po‘latjon  Qayumov  Qo‘qonda  XX  asrning  boshidanoq ma’rifatparvar, adabiyot bilimdoni, tadqiqotchisi, nozikta’b muallim sifatida tanilgan.  Azizxon  Qayumov  ana  shu  inson  xonadonida  1926  yil  19  yanvarda  tug‘iladi.  Bolalik yillaridanoq  ulug‘  shoirlar, ma’rifatparvarlar,  shoirlar,  yozuvchilar,  o‘qituvchilar  suhbatidan bahramand  bo‘lib  boradi.  Shuning  uchun  mumtoz  adabiyotga,  she’riyatga  muhabbat  juda  erta uyg‘ondi va bolakayni o‘z sehriga oladi. Aziz Qayumov mumtoz adabiyot ta’sirida ancha erta  she’r  yoza  boshlaydilar.  Mumtoz  adabiyot  ta’sirida  muxammaslar  bitadi.  Dastlabki  Navoiy g‘azaliga muxammasi 16 yoshida yoziladi.  Aziz  Qayumov  avval  Qo‘qon  neft-gaz  texnikumida  o‘qiydi,  keyinchalik  Toshkentga kelib,  hozirgi  O‘zbekiston  Milliy  universitetining sharqshunoslik fakultetida  ta’lim  oladilar.  Fakultetni tugatganidan to hozirgi kunga qadar ilm bilan , shu bilan birgalikda  rahbarlik ishlari, jamoat ishlari bilah shug‘ullanadilar. Shu kunga qadar ko‘plab ilmiy xodimlar – fan nomzodlari, fan doktorlarini  yetishtirdilar,  shogirdlari  orasida  akademiklar,  davlat  arboblari  mavjud.  Ular filologiya  fanlari  doktori,  professor,  O‘zbekistonda  xizmat  ko‘rsatgan fan arbobi,    Beruniy nomidagi  O‘zbekiston  Davlat  mukofotining  laureati,  Respublika  Fanlar  Akademiyasining akademigi, ham shoirdirlar.  Aziz Po‘latovich Qayumov ko‘p  yillar davomida Hukumatning mas’ul  lavozimlarida  – bo‘lim boshlig‘i, ilmiy tekshirish institutlariining  direktori, rektor, kino, madaniyat hamda san’at sohasida  vazir  o‘rinbosari,  vazir    kabi  vazifalarda  ishlab  jamiyatimizning  rivoji  uchun  xizmat qildilar.    Muhimi,  yuzlab  ilmiy  maqolalarning,  ko‘plab  ilmiy,  ma’rifiy  asarlarning  muallifi, to‘plamlarning  muharriri,  noshiri,  tarjimoni,  targ‘ibotchisi  sifatida  nafaqat  o‘zbek  fani  va adabiyotining, balki jahon fanining ham rivojlanishiga ulkan hissa qo‘shib kelmoqda. Ayniqsa, Alisher Navoiy merosini avaylab, asrab, uni xalq ongiga singdirishda, targ‘ib qilishda mehnatlari katta.  Hozirgi  zamon  kitobxonining  Navoiy  asarlarini  tushunishlari  uchun  ularning  ilmiy tanqidiy  matnlarini,  sharhlarini,  ilmiy  talqinlarini  umri  davomida  yaratib  keldilar.

Biobibliografiyasi