Qoraboyev Ergashali Ortiqboyevich

Fizika matematika fanlari nomzodi, dotsent

     1947 yil 15 iyunda Rishton tumanidagi Buloqboshi qishlog‘ida tug‘ilgan. 1954 - 1964 yillarda o‘rta maktabda o‘qib, 1964 yilda Farg‘ona davlat pedagogika instituti matematika fakultetiga o‘qishga kirgan. 1968 yili institutni tamomlab, Farg‘ona politexnika institutiga ishga yuborilgan.
    1976 - 1980 yillarda ToshDU (hozirgi O‘zMU)ning tatbiqiy matematika kafedrasida O‘zbekiston Fanlar akademiyasining akademigi, fizika - matematika fanlari doktori, professor Numonjon Yunusovich Satimov rahbarligida “Differentsial o‘yinlar nazariyasida quvish maslasining ayrim usullari” mavzusida ilmiy ish olib borib, 1985 yili mazkur mavzu bo‘yicha nomzodlik dissertatsiyasini muvaffaqiyatli himoya qilgan.
    1980 yildan 2010 yilgacha FarPIda assistent, katta o‘qituvchi, dotsent lavozimlarida ishladi. Ish faoliyati davomida 20 dan ortiq ilmiy, ilmiy - uslubiy maqolalarini nashr ettirgan.