Biologiya fanlari nomzodi, dotsent
1935 yil 28 aprelda Marg‘ilon shahrida tavallud topgan. O‘rta maktabni tamomlagandan so‘ng , 1955 - 1959 yillarda Farg‘ona davlat pedagogika institutining jismoniy tarbiya fakultetida o‘qib, jismoniy tarbiya , odam anatomiyasi va fiziologiyasi o‘qituvchisi ixtisosligini olgan.
N. Qoriyev yosh mutaxassis sifatida jismoniy tarbiya va sport kafedrasiga ishga qoldirildi. 1963 - 1965 yillari biologiya fakultetini sirtdan tamomlab, biologiya o‘qituvchisi mutaxassisligiga ega bo‘ldi.
1965 - 1970 yillari Farg‘ona davlat pedagogika instituti biologiya fakulteti qoshidagi odam anatomiyasi va hayvonlar fiziologiyasi kafedrasida o‘qituvchi, katta o‘qituvchi lavozimida faoliyat ko‘rsatdi. 1970 - 1973 yillari sobiq Ittifoq FA Fiziologiya institutining nafas olish laboratoriyasida aspiranturada tahsil oldi.
1973 yil meditsina fanlari doktori, professor I. S. Breslav ilmiy rahbarligida “O proizvoloniem upravlenie diyxaniem cheloveka” mavzusi bo‘yicha biologiya fanlari nomzodi ilmiy unvoni uchun dissertatsiya himoya qilgan. Aspiranturani tamomlagandan so‘ng, yo‘llanma bilan Tojikiston Respublikasi Dushanbe davlat jismoniy madaniyat institutiga ishga yuborildi. U yerda katta o‘qituvchi, dotsent, kafedra mudiri va dekanlik lavozimida 1974 - 1993 yillari faol mehnat qilgan.
1993 yildan o‘zi tug‘ilib o‘sgan Marg‘ilon shahriga keladi va shu yildan to 1999 yil, yanni nafaqaga chiqqunga qadar Farg‘ona davlat universiteti biologiya fakultetining fiziologiya kafedrasida dotsentlik lavozimida “Odam fiziologiyasi” va ”Sport fiziologiyasi” fanlaridan talabalarga maruza va amaliy mashg‘ulotlar olib borgan.
N. Qoriyev respublika va MDH miqyosidagi ilmiy - amaliy anjumanlarda faod ishtirok etib, 40 dan ortiq ilmiy maqolalar , 5 ta o‘quv qo‘llanma chop etgan.
