Akmalxon Mamatxanovich Rahimov 1957 yil 10 fevralda Namangan viloyati Uychi tumanida xizmatchi oilasida tug‘ildi.
1964 yili Axsi qishlog‘idagi Muqimiy nomli 12 - o‘rta maktabga o‘qishga kirib, 1974 yili maktabni oltin medal bilan bitirdi.
Shu yili Abu Rayxon Beruniy nomli Toshkent polite’xnika institutiga o‘qishga kirib, 1979 yili mazkur institutning “Sanoat va fuqoro qurilishi” 1979 — 1980 yillarda Sirdaryo viloyatidagi Guliston qurilish texnikumida mutaxassislik fani o‘qituvchisi sifatida faoliyat ko‘rsatdi. 1980 - 1984 yillarda Uychi tumanidagi Namangan politexnikumida ishlab chiqarish amaliyoti bo‘limi mudiri va mutaxassislik fani o‘qituvchisi bo‘lib ishladi.
1984 yilning aprelida Toshkent politexnika institutining Namangan filialida (hozirgi NamMPI) qurilish fakultetiga qurilish ishlab chiqarish texnologiyasi fanidan assistent lavozimiga ishga qabul qilindi. 1986 — 1988 yillari ToshPI aspiranturasining kunduzgi bo‘limida tahsil olgan holda Moskva shahridagi Beton va temir - beton ilmiy tekshirish instituti laboratoriyasida professor B. A. Krilov rahbarligida “Quruq - issiq iqlimli hududlarda beton va temir - beton buyumlarni tayyorlashda energiya sarfini kamaytirish uslublari” mavzusida ilmiy - tadqiqot ishlarini olib bordi hamda 1990 yilda nomzodlik dissertatsiyasini himoya qildi.
Hozirda Namangan muhandislik - pedagogika instituti binolar va sanoat inshootlari qurilishi kafedrasining dotsenti va shu kafedraning qurilish va kommunal xo‘jaligi kollejidagi filialida mudir vazifasida faoliyat ko‘rsatmoqda.
Ilmiy va pedagogik faoliyati davomida 40 dan ortiq ilmiy va uslubiy ishlari chop etilgan.
1998 yili A. Rahimovning ko‘p yillik samarali va halol mehnati hamda o‘z xizmat vazifasiga bo‘lgan sadoqati uchun O‘zbekiston Respublikasi Oliy va o‘rta - maxsus ta’lim vazirligi tomonidan taqdirlangan.
Hozirgi kunda viloyatdagi temir - beton buyumlari ishlab chiqaruvchi korxonalar bilan hamkorlikda “Betonga issiqlik ishlovi berish usullarini takomillashtirish” mavzusida ilmiy - tadqiqot ishlarini olib bormoqda.
