Rahimova Muattar

    Muattarxon  ingliz  tilini  yaxshi  biladi. U Byuk  Britaniyaning Reding   universitetida  malaka  oshirdi. Polsha, Koreya, Frantsiya  kabi  davlatlarning  olimlari  bilan   tajriba  almashib, ilmiy  hamkorlikni  yo‘lga qo‘ydi. U  hamisha  o‘z ustida  tinim  bilmay  ishlaydigan olima ayollardan. Ko‘plab  o‘quv  qo‘llanmalari, maqola  va  tezislar, “Xalqaro ommaviy  huquq”, “Xalqaro  ommaviy  huquq”, “Xalqaro  iqtisodiy  huquq” darsliklari  muallifi.  Akademiya  qoshida  turli  tadbirlar, seminar va  treninglar  uyushtiradi. U  o‘ziga  va kafedraning  boshqa  azolariga ham  shunday  talabchan. Hamisha  ishni  o‘z vaqtida, sifatli,  va  chiroyli  qilib   bajarishni  istaydi.  O‘zi  boshchilik   qilayotgan  Xalqaro  huqu  kafedrasining  barcha  azolarini  yangi  darsliklar, o‘quv  qo‘llanmalari  yaratishga  jalb etadi. 
  Muattar  Rahimova  qay  sohada bo‘lmasin  yangilikka  intiladi, chiroyli  narsalarni  yaxshi  ko‘radi  va ularni  o‘z  qo‘li  bilan  yaratishni  istaydi. U quvnoq   davralarni, anjumanlarni osonlik  bilan, juda  chiroyli  qilib uyushtira oladi. Muhimi, uni  qiziqarli va esda  qolarli  bo‘lishiga  erishadi. Muattar  Rahimova rostgo‘ylikni, samimiylikni, intizomni va sadoqatni  juda  qadrlaydi. O‘zi  ham  ana  shunday   xislatlarga  ega  bo‘lishga   harakat  qiladi.  Loqaydlik , beparvolik kabi  illatlarni  qoralaydi.