Rahmanova Etiborxon

Biologiya fanlari nomzodi, dotsent

     1935  yil 15 mayda  Farg‘ona  shahrida  tug‘ilgan. 1952 yilda Farg‘ona  shahridagi 1 -  o‘rta  maktabni  alo  baholar bilan tamomladi. 1952 yilda Farg‘ona  pedagogika   institutining tibbiyot  fakultetiga  o‘qishga qabil qilindi   va  1956  yilda  biologiya-ximiya  mutaxassisligi  bo‘yicha imtiyozli  diplom bilan tamomladi.  E. Rahmanova  1957  yilda  institut tavsiyasi  bilan zoologiya ilmiy  tekshirish  institutiga  aspiranturaga  o‘qishga kirdi va 1960 yilda  aspiranturani   tamomladi.  1960  yilda  Farg‘ona      pedagogika   institutiga ishga  taklif  etiladi va shu  yildan  boshlab   zoologiya  kafedrasi  o‘qituvchisi  sifatida faoliyatini boshladi. 1964 yilda  “Grushevaya  medyanitsa - kak vreditel  grushevix  nasajdeniy  Ferganskoy  dolini”  mavzusida  nomzodlik  dissertatsiyasini  muvaffaыiyatli  himoya qildi  va unga  biologiya  fanlari  nomzodi ilmiy darajasi  berildi. 1961 - 1978 yillarda  zoologiya va umumiy biologiya kafedrasi  katta  o‘qituvchisi, 1978 yildan 1997  yilga qadar  kafedra  dotsenti  lavozimlarida  samarali  mehnat qilgan.
    E.Rahmanova yoshlarga bilim va tarbiya berish bilan  bir vaqtda , ilmiy izlanishlari  natijalari bilan respublika hamda  xalqaro  miqyosdagi konfrentsiyalarda  muntazam  ishtirok etib kelgan. Qator uslubiy qo‘llanmalar va ilmiy maqolalar muallifi.