Rahmonqulov Maxammadjon Xamroqulovich

Fizika - matematika  fanlari nomzodi

    1959 yil 19 iyul Farg‘ona shahrida tavallud topgan . 1980 yilda Farg‘ona  davlat pedagogika  institutining fizika-texnika    fakultetini  tamomlagan. 1983 yildan  beri  Farg‘ona davlat  universitetida  faoliyat ko‘rsatmoqda . Shu yili   kichik ilmiy  xodim lavozimida  ish boshlagan.  1987-1990 yillarda umumiy  fizika  kafedrasi  o‘quv laboratoriyalari  mudiri, 1990 yildan  umumtexnika fanlari  kafedrasi  katta  o‘qituvchisi  lavozimlarida  ishlagan. 1995 yilda O‘zbekiston  Miiliy universiteti  huzuridagi  ixtisoslashgan  ilmiy Kengashda “Kislorodli  muhitlarda  qo‘rg‘oshin  xalkogenidlari  asosidagi  yupqa   pardalardagi  relaksatsion  jarayonlar “   mavzusida nomzodlik  dissertatsiyasini  himoya qildi. 1999 - 2012 yillarda O‘zbekiston Respublikasi Oliy va o‘rta maxsus  talim vazirligi  o‘rta  maxsus, kasb - hunar talimi  tizimida o‘quv - uslubiy  ishlarni amalga oshirdi. 2006 yilda kasb - hunar  kollejlari uchun “Materiallarni kesib  ishlash texnologiyasi” darsligi    “Yilning eng yaxshi  darsligi” nominatsiyasi bo‘yicha  O‘zbekiston Respublikasi  Oliy va o‘rta maxsus  talim vazirligi  tomonidan   II    darajali diplom bilan taqdirlandi.